मध्यरातमा पैसा बाँड्दै गर्दा एमालेका उम्मेदवार पक्राउ

बैशाख, सुर्खेत – निर्वाचन आचारसंहिता विपरित मतदातालाई पैसा बाँड्दै गरेका एक उम्मेदवार पक्राउ परेका छन् । सुर्खेतको गुर्भाकोट नगरपालिका-११ स्थित घुमखहरेको आँपसोती टोलमा बुधबार मध्यरातमा मतदाताहरुलाई पैसा बाँड्दै गरेको अवस्थामा नेकपा एमालेबाट वडाध्यक्षका उम्मेदवार राजन विसीलाई प्रहरीले पक्राउ गरेको हो । जिल्ला प्रहरी कार्यालय सुर्खेतका प्रमुख प्रहरी उपरीक्षक पदम विष्टका अनुसार वडाध्यक्षका उम्मेदवार विसी १ लाख १२ हजार रुपैयाँ नगदसहित पक्राउ परेका हुन् । ‘नगदसहित पक्राउ परेका वडाध्यक्षका उम्मेदवारलाई घटनास्थल मुचुल्का सहित प्रहरी चौकी मेहलकुनामा राखेका छौं,’ एसपी विष्टले भने, ‘१० बजेपछि निर्वाचन कार्यालयको जिम्मा लगाउँछौं ।’ प्रहरीले पक्राउ...