तामाङ विद्यार्थी घेदुङ मकवानपुरको अध्यक्षमा छ्योइसाङ

तामसालिङ खबर
२१ चैत्र २०७७, शनिबार १९:४१

चैत्र, हेटौंडा – नेपाल तामाङ विद्यार्थी घेदुङ मकवानपुरको अध्यक्षमा छोइसाङ स्याङ्तान चयन भएका छन् । तामाङ विद्यार्थी घेदुङ मकवानपुरको शनिबार हेटौँडामा भएको तेस्रो जिल्ला भेलाबाट अध्यक्षमा लामा चयन भएका हुन् ।

त्यस्तै, उपाध्यक्षमा शंकर लामा र सुनिल मोक्तान, सचिवमा चमेली बोम्जन र कोषाध्यक्षमा कुमार घिसिङ लगायत २१ सदस्यीय समिति चयन भएका हुन्।

नेपाल तामाङ विद्यार्थी घेदुङ कोषाध्यक्ष तथा आयोजक कमिटी संयोजक पविना लामाको सभाध्यक्षता रहेको भेलामा बागमती प्रदेशसभा सदस्य ओमबहादुर ग्लानको प्रमुख आतिथ्यता थियो ।

भेलामा हेटौंडा उपमहानगर उपमेयर मीना लामा, कैलाश गाउँपालिका अध्यक्ष टंकबहादुर मोक्तान, नेपाल तामाङ घेदुङ बागमती प्रदेश अध्यक्ष लीलाकुमार घलान, नेपाल तामाङ विद्यार्थी घेदुङ केन्द्रीय अध्यक्ष दिनेश लो, हेटौडा उपमहानगर–१२ अध्यक्ष ललित घलान, नेपाल तामाङ बागमती प्रदेश सचिवालय सदस्य सुवास लामा, मकवानपुर घेदुङको सल्लाहकार शुभरल गोले, तामाङ घेदुङ मकवानपुर कार्यवाहक अध्यक्ष काल घलान, नेपाल तामाङ घेदुङ मकवानपुर सचिव आत्मराम मोक्तान, नेपाल तामाङ विद्यार्थी घेदुङ केन्द्रीय सचिव अष्टमान लो को सहभागिता थियो।

भेलामा जेज्या लामा, नेपाल तामाङ घेदुङ सचिवालय सदस्य अजय तामाङ, नेपाल तामाङ विद्यार्थी घेदुङ बागमती प्रदेश अध्यक्ष अजय दोङ, नेपाल तामाङ घेदुङ मनहरी अध्यक्ष इन्द्रबहादुर भ्लोन, नेपाल सँस्कृत घेदुङ सदस्य सुमित्रा लामा, अखिल क्रान्तिकारी मकवानपुर अध्यक्ष दिनेश सुबेदी, अखिल क्रान्तिकारी जिल्ला नेता संग्राम बल, अखिल क्रान्तिकारी मकवानपुर बहुमुखी क्याम्पस कमिटी अध्यक्ष रामकृष्ण शिवाकोटी लगायतको उपस्थिति थियो।

यसमा तपाइको मत

Your email address will not be published. Required fields are marked *


*