हेटौंडा सिमेन्ट चरम अनियमितताका कारण घाटामा जादैं

तामसालिङ खबर
२८ माघ २०८१, सोमबार ०९:१०

हेटौंडा । हेटौंडा सिमेन्ट उद्योगमा हुने गरेको भ्रष्टाचार अनियमिताको रोक्न सके मात्र हेटौंडा सिमेन्ट नाफामा जाने उद्योगका मजदुर संगठन गरेका छन् । हेटौंडा सिमेन्ट उद्योग लि.मा रहेको नेपाल कारखाना श्रमिक संघ र अखिल नेपाल औद्योगिक मजदुर संघले आइतबार पत्रकार सम्मेलन मार्फत उक्त कुरा बताइएका हो ।

नेपाल सरकारको स्वामित्वमा सञ्चालित हेटौंडा सिमेन्ट उद्योग लिमिटेड उद्योग ६ महिनादेखि बन्द हुदा मजदुरहरुको दैनिक कष्टकर बनेको दुवै ट्रेड युनियन सघंको भनाइ छ ।

मजदुर संघका अनुसार उद्योग प्रशासन र व्यवस्थापनले सिमेन्ट बिक्री गरेको बक्यौता समयमै उठाउन नसक्दा उद्योग घाटामा गएको हो । ७/८ वर्ष अगाडि उधारोमा सिमेन्ट बिक्री गर्न थालेपछि उद्योगमा समस्या बढ्दै गएको हो । ‘३ वर्षअगाडि उद्योगमा १० करोड रुपैयाँ घाटामा रहँदा उधारोमा बिक्री गरेको सिमेन्टको बक्यौता रकम नै १० करोड रुपैयाँभन्दा बढी असुल उपर गर्नुपर्ने थियो’, मजदुर संघले भनेको छ ‘उक्त रकम त्यही समयमा उठाउन सकेको भए आज अरबौं घाटामा नभई उद्योग नाफामा सञ्चालन भइरहेको हुने बताउछन् ।’

उद्योगका व्यवस्थापकले चुनढुङ्गा खरिद गर्दा ३५ प्रतिशतसम्म माटो भएको ढुङ्गा खरिद गरेको र उक्त माटोलाई पनि ढुङ्गासरह मूल्य भुक्तानी गर्दा उद्योगले ठूलो क्षेति व्यहोर्नु परेको ट्रेड युनियहरुको भनाइ छ । बजार भाउभन्दा दोब्बर मूल्यमा कोइला खरिद गर्ने गरेका कारण पनि उद्योगको यो अवस्था आएको ट्रेड युनियनले जनाएको छ । यस्ता अनियमिततालाई रोक्ने हो भने सिमेन्ट उद्योग नाफामा जाने पक्का रहेको बताइएको छ ।

दुवै ट्रेड युनियन स्थानीय संघर्ष समितिको आरोपमा असन्तुष्टि

हेटौंडा सिमेन्ट उद्योग पुनः सञ्चालनका लागि दबाव दिने उद्देश्यले गठन भएको स्थानीय संघर्ष समितिले ट्रेड युनियन नै मजदुरको पक्षमा नरहेको उभिव्यक्तिप्रति संघले असन्तुष्टि जनाएको छ । सुरेश बोरोजगारको अध्यक्षतामा स्थानीय संघर्ष समित गठन भएको छ । उक्त समितिले गत बिहीबार र्यालीसहित उद्योगका महाप्रबन्धकलाई ध्यानाकर्षणपत्र बुझाएको छ । उक्त कार्यक्रममा नेपाल कारखाना श्रमिक संघ र अखिल नेपाल औद्योगिक मजदुर संघका पदाधिकारीहरु उपस्थित भएका थिएनन् ।

स्थानीय संघर्ष समितिले आफूहरुलाई ध्यानाकर्षणपत्रको ड्राफ्ट उपलब्ध नगराएको र गठनै नभएको उपसमितिको संयोजक हुँ भन्दै फोन आएपछि शंका लागेर र्यालीमा नगएको अखिल नेपाल औद्योगिक मजदुर संघले जानकारी दिनुभयो । ट्रेड युनियन संघ मजदुरको पक्षमा रहने भन्दै गलत क्रियाकलापको विषयमा कहिल्यै विचलिन नभई निरन्तर खबरदारी गरिरहने उहाँहरुले बताउनुभयो । आगामी दिनमा स्थानीय संघर्ष समितिसँग वैधानिकरुपमा सहकार्य गरेर अगाडि बढ्न स्वीकार्य भएको दुबै ट्रेड युनियन भनाइ छ ।

यसमा तपाइको मत

Your email address will not be published. Required fields are marked *


*