राक्सिराङको बाढीपहिरो पिडितलाई तामाङ घेदुङ दक्षिण कोरियाको आर्थिक सहयोग

तामसालिङ खबर
२४ आश्विन २०७८, आईतवार १९:२८

असोज, हेटौडा (राक्सिराङ) – नेपाल तामाङ घेदुङ दक्षिण कोरियाले राक्सिराङमा गएको साउनमा भएको बाढी पहिरोबाट पिडित १० घरपरिवारलाई आइतबार आर्थिक सहयोग गरेको छ ।

राक्सिराङ गाउँपालिकामा बाढी पहिरोबाट मानविय तथा भौतिक क्षति भएको खबर पाएपछि तामाङ घेदुङ दक्षिण कोरियाको महासचिब शुभराज भोम्जनको नेतृत्वमा केन्दिय समिति र घेदुङको क्षेत्रीय समिति ख्यङ्साङ बुसानबाट राक्सिराङका १० जना बाढी पिडितका लागि ६० हजार आर्थिक सहयोग पठाएको हो ।

राक्सिराङ गाउँपालिका र नेपाल तामाङ घेदुङ, बागमती प्रदेश समितिको समन्वयमा पिडित परिवारलाई जनही ५ हजारका दरले र मानबिय क्षति भएको दुइ परिवारलाई १० हजारका दरले आर्थिक हस्तान्तरण गरिएको थियो ।

पिडित परिवारलाई आर्थिक सहयोग हस्तान्तरण गर्दै गाउँपालिका अध्यक्ष राजकुमार मल्लले आफ्नो परिश्रमबाट आएको रकम जुटाएर पठाएको कोरियाका घेदुङ कमिटीलाई धन्यबाद ब्यक्त गर्नु भएको छ ।

सहयोग कार्यक्रममा नेपाल तामाङ घेदुङ बागमती प्रदेशका अध्यक्ष लिला कुमार घलान, स्थानीय जनप्रतिनिधि सहित संचारकर्मीद्वय दिलबहादुर लामा, जयराम मोक्तान उपस्थित रहेको थियो।

 

यसमा तपाइको मत

Your email address will not be published. Required fields are marked *


*