थाहा नगरको वडाध्यक्ष रायमाझीको पहलमा बेवारिसे महिलाको उद्धार

पुष, हेटौडा (थाहा नगर) – मकवानपुरको थाहा नगरपालिका वडा नम्बर ३ का वडा अध्यक्ष हिरेन्द्रकुमार रायमाझीको पहलमा एक बेवारिसे महिलालाई उद्धार गरी मानबसेवा आश्रम हेटौंडामा बुझाइएको छ ।

बिगत ४ बर्ष देखि वडा नम्बर ३ को कार्यालय नजिकको पाटीमा बसी कष्टकर जीवनयापन गर्दै आएकी एक महिलाको उद्धार गरि मानबसेवा आश्रम हेटौंडामा मंगलबार बुझाइएको अध्यक्ष रायमाझीले बताउनुभयो ।

अन्दाजी ६० बर्षिय महिलाको नाम, थर, परिवारजन केहि थाहा नभएको र कहाँबाट आएको भन्ने पनि थाहा नभएकोले इलाका प्रहरी कार्यालय पालुङको सहयोगमा आश्रममा बुझाईएको हो ।

अध्यक्ष रायमाझीले उद्धार कार्यमा सहयोग गर्ने मानबसेवा आश्रम हेटौंडाका प्रकाश पौडेल, इलाका प्रहरी कार्यालय पालुङ, वडा सदस्य कबिता बिष्ट लगायतलाई धन्यवाद ज्ञापन गर्नुभयो।