सिन्धुली बखफरको जनता उच्च माबिमा अभिभावकले गरे तालाबन्दी
बिशालराज राई
माघ, सिन्धुली (हरिहरपुर गढी) – सिन्धुलीको हरिहरपुरगढी गाउँपालिका २ बखफरको जनता उच्च माध्यामिक बिद्यालयको कार्यालयमा स्थानिय अभिभावकले तालाबन्दी गरेका छ्न ।
उक्त बिद्यालयको बिद्यालय ब्यबस्थापन समितिको अध्यक्ष चयन गर्ने प्रक्रियामा बिबाद भएपछी स्थानीय केहि अभिभावकहरुले तालाबन्दी गरेका हुन्।
गत पौष ४ गते बसेको बिद्यालय अभिभावक भेलाबाट ४ जना सदस्य र गाउँपालिका प्रतिनिधि १ सदस्य गरि ५ जना चयन भएको थियो भने पौष १९ गते बिद्यालय ब्यबस्थापन समितिको अध्यक्षमा शुभाषकुमार राईलाई चयन गरिएको थियो । तर बिद्यालय प्रशासनले अध्यक्ष चयन हुदापनि बिबादित भनेर पालिकालाई जानकारी गराइएको आरोप आभिभावकले लगाएको छ ।
विद्यालयका प्रधानध्यापकले सर्वसम्मतवाट अध्यक्ष छनोट गर्न नसकेको कारण देखाउँदै संघिय शिक्षा नियमावाली विपरित पालिकालाई पत्राचार गरि पदीय दायित्व वहन नगरी गैर जिम्मेवारपन देखाएकोले बहुमत सदस्यहरू र अभिभावकहरूको सर्वसम्मत निर्णय अनुसार अभिभावक भेलाबाट छनोट भएका सदस्यहरुबाट अध्यक्ष चयन नहुँदा सम्म विद्यालयमा तालाबन्दि गर्ने निर्णय गरिएको पत्रमा उल्लेख छ।
