मकवानपुरमा २९ औं तामाङ प्रसारण दिवस मनाइने

साउन, हेटौंडा – तामाङ पत्रकार संघ मकवानपुरले तामाङ प्रसारण दिवस मनाउने भएको छ । तामाङ पत्रकार संघ केन्द्रीय समितिको सर्कुलर अनुसार मकवानपुरमा २९ औं तामाङ प्रसारण दिवस मनाउने निर्णय गरिएको हो।

मंगलबार संघका अध्यक्ष जयराम मोक्तानको अध्यक्षतामा बसेको बैठकले यहिँ भदौ १ गते अन्तरक्रिया सहित शुभकामना आदानप्रदान तथा सम्मान कार्यक्रम गरि दिवस मनाउने निर्णय गरेको छ।

त्यस्तै, केन्द्रिय समितिको निर्देशानुसार तामाङ मिडिया अवार्ड २०८० को छनाैटका लागि मकवानपुरबाट एक जना पुरुष र एक जना सक्रिय महिला पत्रकारको नाम सिफारिस गरेको छ। जसमा ताम्सालिङ खबर डटकमका सम्पादक दिलबहादुर लामा र समृद्ध समाज राष्ट्रिय दैनिकी संवाददाता जमुना थिङ रहेकी छन् ।

त्यसैगरी, संघले मकवानपुरको विभिन्न मिडियामा आबद्ध तामाङ पत्रकारहरुको नाम संकलन गरी केन्द्रमा पठाउने निर्णयसमेत गरेको अध्यक्ष मोक्तानले बताउनु भयो।