थाहानगरमा सेयर अभिमुखिकरण तालिम हुने
तामसालिङ खबर
राजकुमार के.सी.
मकवानपुर, ३१ साउन/लियो क्लब अफ पिस थाहानगरले १ दिने सेयर अभिमुखिकरण तालिम सञ्चालन गर्ने भएको छ ।
गत शनिवार क्लबका अध्यक्ष शिशिरकुमार खत्रीको अध्यक्षतामा बसेको बैठकले आगामी भाद्र २२ गते शनिवार थाहा नगरमा सेयर अभिमुखिकरण तालिम सञ्चालन गर्ने निर्णय गरेको हो ।
सेयर अभिमुखिकरण तालिमको नेपाली सेयर बजारका बिज्ञ सुबासचन्द्र भट्टराइले सहजिकरण गर्ने क्लवका सचिव अजय कार्कीले बताए । भट्टराई लामो समयदेखि नेपाली सेयर बजारमा सक्रिय छन् ।
उहाँको अनुभव नयाँ लगानीकर्ताको लागि उत्प्रेरणा हुने सचिव कार्कीले बताए ।
तालिममा १ सय जना भन्दा बढीको सहभागिता हुने क्लवले जनाएको छ ।
सेयर बजारमा नवप्रवेशी र लागानी गरिरहेको ब्यक्तिहरुलाई सेयर कारोवारका बारेमा जानकारी गराउनको लागि तालिमको आयोजना गर्न लागिएको क्लवका पूर्व अध्यक्ष कमल बिष्टले जानकारी दिए ।
सेयर बजारमा लगानी गर्नुपूर्व बजार, कम्पनी लगायतको बरेमा बुझेर लगानी गर्दा प्रतिफल राम्रो हुने भएकोले सेयर बजारमा नयाँ लगानीकर्ताहरुलाई प्रोत्सहान गर्न तालिमको आयोजना गरिएको अध्यक्ष खत्रीले बताए ।
उनले तालिममा सहभागिताको लागि ईच्छुक ब्यक्तिहरुलाई नाम दर्ता गराउनको लागि समेत अनुरोध गरे ।
