लोक तथा सेलो वरिष्ठ गायिका इन्दिरा गोलेको निधन
तामसालिङ खबर
भदौ, काठमाडौं – तीन दशकभन्दा बढी नेपाली लोक तथा तामाङ सेलो क्षेत्रमा सक्रिय वरिष्ठ गायिका इन्दिरा गोलेको निधन भएको छ । उहाँको गए राति करिब १२ बजे ललितपुरको हातिवनस्थित आफ्नै निवासमा ६३ वर्षको उमेरमा निधन भएको पारिवारिक स्रोतले जनाएको छ ।
वि.सं. २०२३ साल कात्तिक ३ गते ललितपुर, भारदेउमा जन्मनुभएकी गोलेले २०४५ सालमा रेडियो नेपालबाट स्वर-परीक्षा पास गरी औपचारिक संगीत यात्रा सुरु गर्नुभएको थियो । ‘चाँगुनारानथान’, ‘जाईफुलको बास्ना’, ‘सफा ट्याम्पुरी’ जस्ता सदाबहार गीतमार्फत नेपाली श्रोतामाझ चर्चित रहनुभएकी उहाँले करिब पाँच हजार गीतमा स्वर दिनुभएको छ ।
तामाङ मौलिक संगीतसहित आधुनिक, चलचित्र र विभिन्न लोकभाकामा समेत योगदान पुर्याएकी गोले तामाङ कलाकार संघकी पूर्व अध्यक्ष समेत रहनुभएको थियो । सङ्घर्षशील र स्वाभिमानी कलाकारका रूपमा स्थापित उहाँलाई दुई वर्षदेखि क्यान्सरको उपचार भइरहेको थियो ।
उहाँको निधनले नेपाली लोकसंगीत तथा तामाङ सेलो क्षेत्रमा अपूरणीय क्षति पुगेको कलाकार तथा संगीतप्रेमीहरुले जनाएका छन् ।
