डिसहोम बाह्रखरी कथा प्रतियोगितामा बिना थिङले जितिन्
तामसालिङ खबर
काठमाडौ – १२खरी बुक्सले आयोजना गरेको राष्ट्रव्यापी खुला कथा प्रतियोगितामा साहित्यकार बिना थिङले जितेकी छिन् । प्रतियोगितामा सहभागी ४४५ कथामध्येबाट उनको ‘ब्याड भाले’ कथा प्रथम बनेको हो ।
तामाङले एक लाख रुपैयाँ नगद पुरस्कारका अतिरिक्त शिल्ड र प्रमाणपत्र हात पारेकी छन् । कथाकार भाषिक साहित्यिक संस्था तामाङ डाजाङका कोषाध्यक्ष हुन् ।
प्रतियोगितामा लक्ष्मण वियोगी द्वितीय भएका छन् । वियोगीको ‘टाउको’ शीर्षकको कथाले ६० हजार नगद पुरस्कारका अतिरिक्त शिल्ड र प्रमाणपत्र प्राप्त गर्यो । वियोगी पत्रकार पनि हुन् । प्रतियोगितमा सुमित्रा न्यौपाने तेस्रो भइन् । न्यौपानेको ‘बार्दली’ शीर्षकको कथाले ४० हजार रुपैयाँ नगद, शिल्ड र प्रमाणपत्र प्राप्त गरेको छ ।
प्रतियोगिताका लागि प्राप्त नौ सय कथा मध्ये ४४५ कथा मापदण्डभित्र परेका थिए । प्राप्त कथाहरूमध्येबाट उत्कृष्ट २५ को सङ्कलनसमेत प्रकाशित गरिएको छ ।
‘उत्कृष्ट कथा २०७६’ नाम दिइएको उक्त सङ्कलनको विमोचन तथा विजयी कथाकारहरुलाई परराष्ट्र मन्त्री प्रदीप ज्ञवालीले पुरस्कार प्रदान गरेका थिए । उत्कृष्टमा पर्न सफल कथाकारहरुलाई पाँच हजार नगदसहित प्रमाणपत्र प्रदान गरिएको थियो ।
