डेंगुका विरामीलाई परिक्षण गर्न ३ सय ३१ किट हस्तान्तरण

भदौ २७, हेटौंडा – मकवानपुरको हेटौंडा उपमहानगरपालिका क्षेत्रमा शुक्रबार डेंगु परिक्षण गर्ने किट हस्तान्तरण गरिएको छ । जिल्ला स्वास्थ्य कार्यालय मकवानपुरलाई उपमहानगरपालिकाको मेयर हरिबहादुर महतले ३ सय ३१ वटा डेंगु परिक्षण गर्ने किट हस्तान्तरण गर्नुभएको हो ।

उपमहानगरले स्वास्थ्य कार्यालयको ल्याव टेक्नीसिएन राजकुमार इटेनीलाई डेंगु परिक्षण गर्ने किट हस्तान्तरण गरिएको हो । नगरवासीहरुले तिरेको करले उपमहानगरपालिका चलेकाले नगरवासी बिरामी पर्दा सहयोग गर्ने गरी सहयोग गरिएको मेयर महतले वताउनुभयो ।