मनहरी– प्रतिनिधि सभा सदस्य बिरोध खतिवडाको पहलमा डिभिजन सडक कार्यालय हेटौँडामार्फत १ करोड रुपियाँ लगानी गरी अहिले लामिटारबाट सडकको स्तरीकरण भइरहेको छ । सांसद खतिवडाकै पहलमा अर्थ मन्त्रालयबाट थप २ करोड रुपियाँ स्वीकृत गराइएको छ । १ करोड रुपियाँ बिनियोजित भएपनि ठेकेदारले ३९ लाख रुपियाँमा ठेक्का पारेपछि बाँकी रकमको समेत थप ठेक्का भई काम अघि बढिरहेको मनहरी गाउँपालिकाले जनाएको छ । स्थानीय, प्रदेश तथा संघीय निर्वाचनका बेला नेपाल कम्युनिष्ट पार्टीले गरेको प्रतिबद्धता बमोजिम मनहरी गाउँपालिकाको केन्द्र रजैया हुँदै वडा नं १ को चकरीमकरी पुग्ने सडकमा सरकारले लगानी बढाएको छ...