जेठ, हेटौडा (राक्सिराङ्ग) – मकवानपुरको राक्सिराङ्ग गाउँपालिकाभित्रका सामुदायिक विद्यालयहरुको शैक्षिक सुधारका लागि गाउँपालिका कार्यालय र विद्यालयका प्रधानाध्यापकबिच कार्यसम्पादन प्रतिबद्धता गरिएको छ। प्रतिबद्धतापत्रमा विद्यालयमा विद्यार्थी संख्या बढाउन नितरन्तर प्रयास गर्ने, विद्यालयका शिक्षक, अभिभावक, विद्यार्थी, विद्यालय व्यवस्थापन समिति, शिक्षक संघ संगठनका लागि आचारसंहित बनाउनेलगाययत प्रतिबद्धता पत्रमा उल्लेख छ । शिक्षकलाई पेशागत झोलाको व्यवस्था गर्नेलगायतका २८ बुँदे प्रतिवद्धता–पत्र हस्ताक्षर गरिएको छ । साथै सो अवसरमा रेडियो सेट वितरण गरिएको थियो । सो कार्यक्रममा गाउँपालिका अध्यक्ष राजकुमार मल्ल, उपाध्यक्ष बनस्तम थिङ, प्रमुख प्रशासकीय अधिकृत पदम बहादुर बस्नेत लगायतको उपस्थिति रहेको थियो।